يا احﻻم الزمن الجاى
و يا امال الزمن اللسة
عشقتك من اصبحت انا باكر
عشقتك ضحكة .. عشقتك همسة . وعشقتك هسة
يا بت دغرية .. نحن البينا سنين ضوئية
نحن البينا ريدة و محنة .. و صفاء النية
نحن البينا حس قمرية ..
تغني و تصدح في شتول مروية .. و انتي لسة ما عرفتي القصة
القصة اني عشقتك باكر ..عشقتك حاضر ..عشقتك هسة
يا بت بهواك
و النفس الداخل و طالع مني .. ياهو هواك
دي الدروب المني ليك تودي .. جد ممشاك
و الزمن الساقك مني و عاند و ابعدني عن دنياك
انا بس شكيتو لي الله ..لحين القاك
و انتي لسة ما عرفتي القصة
القصة اني عشقتك باكر ..عشقتك حاضر .. عشقتك هسة
و لسة عندي ليك الف سؤال
بعد السﻻم .. و كيفك انتي و كيف الحال ؟
كيف قدرتي ترجعي فرح القلب المال ؟
و كيف سكنتي الخاطر و ليه سرقتي البال ؟
و متين مسحتي من قاموس لغتي كلمة " محال " ؟
و عدمتيها من لغتي و عدمتي " اﻻرتحال "
و لسة عندي ليك الف سؤال
1batnafasik
السبت، 21 ديسمبر 2013
لسة ما عارفة القصة
الاشتراك في:
الرسائل (Atom)